Nordsamiska/Davvisámegiella
MTM buvttada ja luoiká olggus girjjálašvuođa dakkár mediain mat leat heivehuvvon olbmuide lohkanhehttehusain. Mii luoikat olggus sárdnegirjjiid digitála girjerádjosa legimus.se bokte ja iežá girjerádjosiid bokte. Čuoggáčálusgirjjiid mii luoikkat olggus njuolga luoikái.
Mat sárdnegirjjit leat?
Sárdnegirjjit buvttaduvvot ovtta spiehkastaga mielde dahkkivuoigatvuođalágas. Leat erenoamážit báddejuvvon dutnje geas lea lohkanhehttehus mii dahká dan váttis lohkat prentejuvvon teavstta.
Luoikat sárdnegirjjiid
Visot girjerádjosat Ruoŧas luiket sárdnegirjjiid. Don sáhtát maid gávdnat dieđuid girjjiid birra ja viežžat daid min digitála girjerádjosis legimusas. Don it dárbbaš duođaštusa lea doarvái muitalit ahte dárbbahat sárdnegirjjiid. Du girjerájus veahkeha du ráhkadit konto viežžamii. Lea álo nuvttá luoikat. Jeara bargiin, sii mielas veahkehit du.
Viežžat sárdnegirjjiid
Sáhtát viežžat girjjiid min digitála girjerádjosis legimusas. Du girjerájus veahkeha du oažžut geavahannama ja čoavddasáni ja vuosehit dutnje go dahká. Muitte ahte viežžamii dárbbahat ruoŧa persovdnanummara.
Makkár sárdnegirjjiid sáhttá luoikat?
Digitála girjerádjosis legimus.se sáhttá oaidnit makkár sárdnegirjjit gávdnojit luoikamii: http://www.legimus.se. Das gávdno maid diehtu makkár girjjiid sáhttá luoikat. Manná maid bures luoikat sárdnegirjjiid iežá riikkain.
Čuoggáčálusgirjjit
MTM:s leat maid čuoggáčálusgirjjit máŋgga gillii. Váldde oktavuođa miiguin šaddan dihte čuoggáčálusluoiki.