Meänkieli/Meänkieli
MTM prutyseeraa ja lainaa ulos kirjalisuutta meetia muoossa jokka on sovelettu henkilöile joila on lukuhäiriöitä. Puhekirjoja met lainaama meän dikitaalisen kirjaston kautta legimus.se ja muitten kirjastoitten kautta. Pistekirjotuskirjoja met lainaama suorhaan lainaajalle.
Mikäs puhekirja on?
Puhekirjoja prutyseerathaan yhelä poikkeuksela Laissa teikijänoikeuksesta. Net on luettu erikoisesti sulle jolla on lukuhäiriö joka tekkee vaikeaks ette lukea painettua tekstiä.
Lainata puhekirjoja
Kaikki kirjastot Ruottissa lainaavat ulos puhekirjoja. Sie saatat kans löytää informasjuunia kirjoista ja latata alas net meän dikitaalisessa kirjastossa legimus.se. Sie et tarvitte yhtään todistusta. Se riittää jos sie sanot ette sie tarttet puhekirjoja. Sinun kirjasto auttaa sinua laittamhaan yhen kontun jonka lattaat alas. Se on aina ilmhaista lainata. Kysy henkilökunnalta, ne auttavat mielelhään.
Latata alas puhekirjoja
Sie saatat latata alas kirjoja suohraan meän dikitaalisesta kirjastosta legimus.se. Sinun kirjasto auttaa sinua saahmaan käyttäjänimen ja kootisanan ja kuinka sinun pittää tehhä. Muista ette sie tarttet yhen ruottalaisen henkilönumeron ennenku saatat latata alas.
Mikkäs puhekirjat on lainattavana?
Dikitaalisessa kirjastossa legimus.se saattaa nähhä mikkä puhekirjat jokka on lainattavana: http://www.legimus.se. Sielä on kans informasjuunia mikkä kirjat on lainattavana. Se mennee kans lainata puhekirjoja muista maista.
Pistekirjotuskirjoja
MTM:lä on kans pistekirjotuskirjoja monela kielelä. Jos haluat lainata pistekirjotuskirjoja ota yhteyttä meihin.