Lulesamiska/Julevsámegiella
MTM dahká ja loaddnu girjijt mediajn ma li hiebadum ulmutjijda låhkåmhebdujn. Hållagirijt loaddnup digitálla girjjevuorká baktu legimus.se ja ietjá girjjevuorkáj baktu. Tjuokkestjálosgirjijt loaddnup njuolgga loaddnujiddjáj.
Ma li hållagirje?
Hållagirje dagáduvvi tjuolldasá milta Tjálosäjggolágan. Girje li sisilågådum sierraláhkáj dunji gänna l låhkåmhäbddo mij vájvet låhkåt prienntidum tevstav.
Hållagirjijt loaddnut
Gájkka girjjevuorká Svierigin loaddnuji jiednagirjijt. Máhtá aj gávnnat diededimev girjij birra ja viedtjat dajt mijá digitálla girjjevuorkás legimus.se. Dån i dárbaha duodastusáv ja nuoges la gå giehto dån dárbaha jiednagirjijt. Duv girjjevuorkká duv viehket åttjudit kontov viedtjamij. Agev la mávsok loaddnut. Gatjáda barggijs, ávos duv viehkedi.
Viedtjat jiednagirjijt värmmádagán
Máhtá viedtjat girjijt njuolgga mijá digitállagirjjevuorkás legimus.se. Duv girjjevuorkká viehket addnenamáv ja bessambágov oadtjot ja vuoset dunji gåktu dagá. Mujte dån dárbaha svieriga almasjnummarav viettjatit värmmadagás.
Makkir hållagirje gávnnuji loaddnut?
Digitálla girjjevuorkán legimus.se máhttá vuojnnet makkir jiednagirjje gávnnuji loaddnut: http://www.legimus.se. Danna gávnnu aj diededibme birra makkir girje gávnnuji loaddnut. Máhttelis la aj loaddnut hållagirjijt ietjá rijkajs.
Tjuokkestjálosgirje
MTM:an li aj tjuokkestjálosgirje moatte giellaj. Sjattatjit tjuokkestjálosloaddnujiddje, aktavuodav válde mijájn.